| Sonny 的个人资料Happy Sonny Every Day~!!...照片日志列表 |  工具  帮助 |
|
10月4日 香港高效一日游 同爹娘出行最大既好处系唔忧唔够钱洗～而呢个好处系你出行既目的地为香港既时候，距将会被放大10倍感多。
 寻日（10.02）我同我娘去南沙港搭9：30去香港既船，只船迟左少少先出发，但系都系11：00钟就到左中港城码头。搭船果时听到隔离位个妈妈同距个5岁左右既仔仔系度讨论超人迪加，佳亚同高斯既分别。我就系听到距地讨论，D内容我一D都唔感兴趣～
 之但系，我发现个妈妈真系好有耐性，好鬼温柔。好明显位弟弟个阿妈系一D都唔认识果几个超人既，距全程做晒D发问工作，个弟弟就系感噏系感噏。晕……陪细路仔倾计绝对系一个大学问啊！！！ 以前跟旅行团系中港城落船，距一定会‘的’你去食餐随便饭之后就车你去买‘金’；呢次同阿妈去就完全自由行，我地出左中港城就系尖沙咀兜黎兜去，不知几悠闲～～～
 成条路（唔记得系咩路），高楼林立，完全系high cast到晕啊，路边又种晒D系市桥未见过既花仔，靓得好紧要。最最重要系寻日香港一D都唔热，仲不时有D风吹下你感，舒适度比够距四粒星（仲有一粒星衰左系要我行呢个关键问题度）。 肥欣去之前真系做定晒D准备功夫，呢样系我寻日可以高效shopping既主因。
前晚肥欣先发现系尖沙咀加连威老道有间龙城大药房，呢间并唔系普通既药房，距完全系挂狗头卖羊肉～～～入边3/4既地方系卖护肤品和化妆品！
 于是乎，肥欣同肥欣她娘系龙城大药房度过左好愉快既1个小时疯狂扫货游戏。 讲详细D地址比大家，龙城系尖沙咀地铁口加连威老道出口出黎turn right，之后第一个路口再turn right，go straight 3个minite就见到一个打横既牌写住龙城个‘哚’！ 大家系入去之前记得warm up啊～唔系人太多既话，唔够人争家！因为基本上香港既靓女任何时候都会系龙城蒲头。而你想货比三家既话，加连威老道上就有N间美容护肤品店，卓悦、莎莎……不过，系入边通常都会比D售货员追住黎问“有咩可以帮到你？”；龙城除左便通街同埋卖正货呢两个优点之外，距入边D售货员全部系anti，完全系行信和既感觉，慢慢睇慢慢拣，人地anti时间好宝贵家，懒得理你啊～个肚话比肥欣同肥欣她娘知到中午啦，之后距地发现尖沙咀系无大家乐家，无办法，入左一间“锦川菜馆”既饭馆食饭……唔知话香港推行老有所为呢个政策好定系香港人个样老得快呢？入边既waiter居然系一班60岁着衬衫西服既公公。系入边食饭既应该有一班货车司机，因为听到距地讲“××，寻晚一条街7个差佬……”
之后系尖沙咀兜左一阵添就搭地铁去旺角。发现自由行旅客真系聚集晒系旺角……买左一对skechers波鞋打八折，samsung yepp 1G 都系打八折，买左个万能charge电器，买左canon傻瓜机话题之作IXUS800IS送左一大堆野，包括1G记忆卡、NB手挽袋、屏幕保护膜、自拍钥匙扣、迷你三角架、备用电池、sd记忆卡转usb接口果个野。加加埋埋都差唔多便D感拉。
 呢个时候先系下午既2：45左右。之后同阿娘走一走沙田既新城市广场就归家噜，6：30就到番禺！！！
 评论 (5)
引用通告此日志的引用通告 URL 是： http://sonnytse.spaces.live.com/blog/cns!D25A23C353C7C615!282.trak 引用此项的网络日志
|
|
|
